നമ്മുടെ പ്രകാരം ഞരക്കങ്ങളോടെ ആത്മാവ് നമുക്കുവേണ്ടി പക്ഷവാദം ചെയ്യുന്നു. ഈ ഞരക്കം പ്രത്യക്ഷത്തിൽ നമ്മുടെ ഞരക്കമാണ്, എന്നാൽ നമ്മുടെ ഞരക്കത്തിൽ ആത്മാവിൻ്റെ ഞരക്കമാണുള്ളത്. അവൻ നമ്മിലും അവൻ്റെ ഞരക്കം നമ്മുടെ ഞരക്കത്തിലും ഉണ്ട്. അവൻ നമ്മോടുകൂടെ "അപ്രകാരം തന്നെ" ഞരങ്ങുന്നു. നമ്മുടെ പ്രാർത്ഥനകളിൽ ഭൂരിഭാഗവും വ്യക്തമായ വാക്കുകളാൽ ഉച്ചരിക്കാവുന്നവയാണ്, പക്ഷേ അവ നമ്മുടെ ആത്മാവിൽ നിന്നുള്ളവ ആകണമെന്നില്ല. എന്നാൽ നമുക്ക് പ്രാർത്ഥിക്കുവാൻ ഒരു യഥാർത്ഥ ഭാരം ഉണ്ടാവുകയും, അത് എങ്ങനെ ഉച്ചരിക്കണമെന്ന് നാം അറിയാതെയും ഇരിക്കുമ്പോൾ, ആ സമയം സ്വമേധയാ നാം ആ ഭാരത്താൽ ഉച്ചരിക്കുവാൻ കഴിയാത്ത വാക്കുകളാൽ ഞരങ്ങുന്നു. ഇത്തരത്തിലുള്ള ഉച്ചരിക്കുവാൻ കഴിയാത്ത പ്രാർത്ഥനകൾ പ്രാഥമികമായി [ക്രിസ്തുവിൻ്റെ] ജീവന്റെ വളർച്ചയ്ക്കുവേണ്ടിയുള്ളതാണ്, അതിൻ്റെ യഥാർത്ഥ ആവശ്യത്തെക്കുറിച്ച് നമുക്ക് വലിയ ഗ്രാഹ്യമില്ല. നമ്മുടെ ഭൗതിക ആവശ്യങ്ങളെയും വാണിജ്യപരമായ കാര്യങ്ങളെയും കുറിച്ച് നമുക്ക് വ്യക്തതയും, ആ കാര്യങ്ങളെക്കുറിച്ച് പ്രാർത്ഥിക്കുവാനുള്ള ഉച്ചാരണവുമുണ്ട്, എന്നാൽ നമ്മുടെ ജീവന്റെ വളർച്ചയുടെ കാര്യത്തിൽ നമുക്ക് ഗ്രാഹ്യത്തിലും ഉച്ചാരണത്തിലും കുറവുണ്ട്. എന്നിരുന്നാലും , ജീവന്റെ വളർച്ചയെക്കുറിച്ച് നാം കർത്താവിനെ അന്വേഷിക്കുന്നുവെങ്കിൽ, ചിലപ്പോൾ നമ്മുടെ ആത്മാവിൻ്റെ ആഴത്തിൽ നമുക്ക് വ്യക്തമായ ഗ്രാഹ്യമില്ലാതെയും നമുക്ക് ഉച്ചരിക്കുവാൻ കഴിയാത്തതായ ചില പ്രാർത്ഥനകളാലും നാം ഭാരപ്പെടും. അതിനാൽ, സ്വയമേവ നാം ഞരങ്ങുവാൻ നിർബന്ധിതരാകുന്നു. നാം നമ്മുടെ ആത്മാവിൻ്റെ ഉള്ളിൽ നിന്ന് ഞരങ്ങിക്കൊണ്ടിരിക്കുമ്പോൾ, നമ്മുടെ ആത്മാവിൽ വസിക്കുന്ന ആത്മാവ് സ്വയമേവ നമ്മുടെ ഞരക്കവുമായി ചേരുകയും, പ്രധാനമായും പുത്രത്വത്തിൻ്റെ പക്വതയിങ്കലേക്കുള്ള വളർച്ചയ്ക്കായി ജീവന്റെ രൂപാന്തരം ഉണ്ടാകുന്നതിനായ് നമുക്കുവേണ്ടി പക്ഷവാദം ചെയ്യുകയും ചെയ്യുന്നു.