എന്താണ് ദൈവത്തിന്റെ സ്നേഹം? സ്നേഹം ദൈവത്തിന്റെ ഹൃദയമാണ്. ദൈവത്തിന്റെ സ്നേഹം അവന്റെ ഹൃദയത്തിൽ നിന്ന് പുറപ്പെടുന്നു. നീതി ദൈവത്തിന്റെ വഴിയാണ്, വിശുദ്ധി ദൈവത്തിന്റെ സ്വഭാവമാണ്, തേജസ് ദൈവത്തിന്റെ ആവിഷ്കാരമാണ്, അതുപോലെ സ്നേഹം ദൈവത്തിന്റെ ഹൃദയമാണ്. ദൈവത്തിന്റെ നീതി, വിശുദ്ധി, തേജസ് എന്നിവയെക്കുറിച്ച് സംസാരിച്ചതിനു ശേഷം, പൗലോസ് നമ്മെ ദൈവത്തിന്റെ സ്നേഹത്തിന്റെ ഹൃദയത്തിലേക്ക് കൊണ്ടുവരുന്നു. എന്തുകൊണ്ടാണ് ദൈവം തന്റെ നീതിയെ പ്രകടമാക്കിയത്? കാരണം മനുഷ്യൻ വീണുപോയി. മനുഷ്യൻ ദൈവത്തോട് തെറ്റ് ചെയ്തു, അതിനാൽ അവന്റെ നീതി ആവശ്യമായിരുന്നു. എന്തുകൊണ്ട് ദൈവം തന്റെ വിശുദ്ധിയെ പ്രയോഗിക്കണം? കാരണം മനുഷ്യൻ പൊതുവായതാണ്. ദൈവം തന്റെ പൊതുവായതും, തിരഞ്ഞെടുക്കപ്പെട്ടതുമായ എല്ലാവരെയും വിശുദ്ധികരിക്കേണ്ടതുണ്ട്. എന്തുകൊണ്ട് ദൈവം തന്റെ തേജസ് നമുക്ക് നൽകണം? എന്തെന്നാൽ, അവൻ തിരഞ്ഞെടുത്തവരെല്ലാം താഴ്ന്നവരും നികൃഷ്ടരും അധമരുമാണ്. അതിനാൽ, നമ്മെ കായാന്തരപ്പെടുത്തുന്നതിന് അവൻ തന്റെ തേജസ് പ്രയോഗിക്കണം. എന്നാൽ ദൈവത്തിന്റെ ഹൃദയത്തിൽ ആദ്യമുള്ളത് എന്തായിരുന്നു? സ്നേഹം. ദൈവം തന്റെ നീതിയും വിശുദ്ധിയും തേജസും പ്രയോഗിക്കുന്നതിന് മുമ്പ് അവൻ നമ്മെ സ്നേഹിച്ചു. സ്നേഹമായിരുന്നു ഉറവ, സ്നേഹമായിരുന്നു അടിസ്ഥാനകാരണം, സ്നേഹമായിരുന്നു ഈ എല്ലാറ്റിന്റെയും ഉറവിടം. ദൈവം നമ്മെ മുൻ നിയമിക്കുന്നതിന് മുമ്പേ അവൻ നമ്മെ സ്നേഹിച്ചു, അവൻ നമ്മെ വിളിക്കുന്നതിന് മുമ്പേ അവൻ നമ്മെ സ്നേഹിച്ചു, അവൻ നമ്മെ നീതീകരിക്കുന്നതിന് മുമ്പേ അവൻ നമ്മെ സ്നേഹിച്ചു, അവൻ നമ്മെ തേജസ്കരിക്കുന്നതിന് മുമ്പേ അവൻ നമ്മെ സ്നേഹിച്ചു. എല്ലാത്തിനും അതുപോലെ എന്തിനും മുമ്പേ അവൻ നമ്മെ സ്നേഹിച്ചു. നമ്മുടെ രക്ഷ ദൈവസ്നേഹത്തിൽ നിന്നാണ് ഉത്ഭവിച്ചത്. ദൈവം നമുക്കുവേണ്ടി ചെയ്യുന്ന എല്ലാറ്റിന്റെയും ഉറവിടം സ്നേഹമാണ്, ഈ സ്നേഹം അവന്റെ ഹൃദയമാണ്. അതുകൊണ്ട്, ദൈവത്തിന്റെ രക്ഷ പൂർണമായി നിവർത്തിക്കപ്പെട്ടതിനുശേഷം, അവന്റെ സ്നേഹം നമ്മുടെ സുരക്ഷയായി നിലകൊള്ളുന്നു. ദൈവസ്നേഹം നമ്മുടെ രക്ഷയുടെ ഉറവിടം മാത്രമല്ല, നമ്മുടെ രക്ഷയുടെ സുരക്ഷിതത്വവുമാണ്.