ഇന്നത്തെ മനുഷ്യ സമൂഹം, ജഡത്തിനുള്ള നിരവധി സാമഗ്രികൾ ഉള്ളടങ്ങുന്ന, അന്ധകാരവും തിന്മയുമാണ്. ഉദാഹരണത്തിന്, ദിനപത്രങ്ങളും അവയുടെ ചിത്രങ്ങളും പരസ്യങ്ങളും പരിഗണിക്കുക. പത്രത്തിൽ ഒരു ദുഷിച്ച ചിത്രം കാണുമ്പോൾ സ്വാധീനിക്കപ്പെടാത്ത തരത്തിൽ ഒരാൾ അത്ര ആത്മീയനായിരിക്കുമെന്ന് ഞാൻ വിശ്വസിക്കുന്നില്ല. പത്രങ്ങളിലെ ചില പരസ്യങ്ങളും ചിത്രങ്ങളും കണ്ടപ്പോൾ നിങ്ങളുടെ ജഡം ഉണർത്തപ്പെട്ടുവെന്ന് നിങ്ങളുടെ അനുഭവങ്ങൾ സാക്ഷ്യപ്പെടുത്തും. കൂടാതെ, ആർത്തിയുള്ള ജഡത്തിന് ഭക്ഷണത്തെ നൽകുവാൻ ശത്രു ടെലിവിഷനും വളരെയധികം ഉപയോഗിക്കുന്നു. ക്രിസ്ത്യാനികൾ ടെലിവിഷൻ കാണരുത് എന്ന് ഞാൻ നിയമം പറയുന്നില്ല, എന്നാൽ അതിൽ നിന്ന് വിട്ടുനിൽക്കുന്നതാണ് നല്ലതെന്ന് ഞാൻ പറയുന്നു. നിങ്ങൾ വളരെ ശക്തനാണെന്ന് കരുതരുത്. അടുത്ത് ഒരു ആഴമുള്ള കിണർ ഉണ്ടെന്ന് കരുതുക. എനിക്ക് ആ കിണറ്റിൽ വീഴുവാൻ ആഗ്രഹമില്ലെങ്കിൽ, ഞാൻ അതിന്റെ അടുത്തുനിന്നും മാറി നിൽക്കണം, അല്ലാതെ ചുറ്റും നടക്കുകയല്ല വേണ്ടത്. എന്നാൽ, ഞാൻ കിണറ്റിനരികിലൂടെ നടക്കുന്നത് തുടരുകയാണെങ്കിൽ, ഇന്ന് ഞാൻ അതിൽ വീഴില്ലായിരിക്കാം, ഒരുപക്ഷേ ഭാവിയിൽ ഞാൻ വീഴും. അതുപോലെ തന്നെ ടെലിവിഷൻ കാണുന്നത് അപകടകരമാണ്. നിങ്ങൾ ടെലിവിഷൻ കാണാൻ ആഗ്രഹിക്കുന്നുവെങ്കിൽ, നിങ്ങൾ പ്രാർത്ഥിക്കണം, "കർത്താവേ, എന്നോടൊപ്പം ടെലിവിഷൻ കാണണമേ, ടെലിവിഷൻ കാണുന്നതിൽ എന്റെ ആത്മാവിൽ എന്നോടൊപ്പം ഒന്നായിരിക്കണമേ." നിങ്ങൾ ഈ രീതിയിൽ പ്രാർത്ഥിച്ചാൽ, അത് ചെയ്യുന്നത് നിങ്ങൾക്ക് കുഴപ്പമില്ലായിരിക്കും. അല്ലായെങ്കിൽ, ഒരുപക്ഷേ നിങ്ങൾ അത് ഉപേക്ഷിക്കുന്നത് പരിഗണിക്കണം. എന്തുതന്നെയായാലും, ടെലിവിഷൻ ശത്രുവിന് ജഡത്തിനുള്ള സാമഗ്രികൾ ഒരുക്കുന്നതിനുള്ള ശക്തമായ ഒരു ഉപാധിയാണ്, അതിന്റെ സ്വാധീനത്തിന്റെ ഫലമായി അനേകം തിന്മകൾ സംഭവിച്ചിട്ടുണ്ട്.