ദൈവം ജീവൻ്റെ ആത്മാവായിത്തീർന്നു എന്ന് റോമർ 8:2 വെളിപ്പെടുത്തുന്നു. ഈ വാക്യത്തിലെ ജീവന്റെ ആത്മാവ് പ്രക്രിയാവിധേയനായ ദൈവത്തെ സൂചിപ്പിക്കുന്നുവെന്ന് നമുക്ക് പറയാം. ദൈവം ക്രിസ്തുവിൽ ഒരു നീണ്ട പ്രക്രിയയിലൂടെ കടന്നുപോയി — ജഡാവതാരം, ക്രൂശീകരണം, പുനരുത്ഥാനം, ആരോഹണം. ഉല്പത്തി 1-ലെ ദൈവം താൻതന്നെ അത്തരമൊരു പ്രക്രിയയ്ക്ക് വിധേയനായിട്ടുണ്ട്. റോമർ 8 [പാചകം ചെയ്യപ്പെടാത്ത ഭക്ഷണംകൊണ്ട് നിറയപ്പെട്ട] ഒരു ഫ്രിഡ്ജ് അല്ലാത്തതിനായ് നാം കർത്താവിനെ സ്തുതിക്കുന്നു; അത് നമ്മുടെ വിരുന്നുമേശയാണ്. റോമർ 8-ലുള്ള മേശമേൽ നമുക്ക് പ്രക്രിയാവിധേയനായ ദൈവമുണ്ട്, കാരണം ഇവിടെ അവൻ്റെ നാമം യഹോവയെന്നോ സർവ്വശക്തനായ ദൈവമെന്നോ അല്ല, മറിച്ച് ജീവൻ്റെ ആത്മാവ് എന്നാണ്. ക്രിസ്തു ജീവനാണ്, എന്നാൽ നമുക്ക് ക്രിസ്തുവിനെ ജീവനായി നൽകുന്നത് ആത്മാവാണ്. ആത്മാവില്ലാതെ ക്രിസ്തു ജീവനായിരിക്കാം, എന്നാൽ ക്രിസ്തുവിനെ ജീവനായി നമുക്ക് നൽകാനാവില്ല. ആത്മാവായതിനാൽ ക്രിസ്തു നമ്മിലേക്ക് ജീവനായി പകരപ്പെടുന്നു. ഇന്ന്, പ്രക്രിയാവിധേയനായതിനു ശേഷം, ക്രിസ്തു ജീവൻ നൽകുന്ന ആത്മാവാണ്. ഇപ്പോൾ നമ്മുടെ ആത്മാവിൽ നമുക്ക് ഈ അത്ഭുതവാനായ ആത്മാവിനെ ആസ്വദിക്കുവാൻ കഴിയും. ക്രിസ്തു ദൈവം താൻതന്നെയും, രക്ഷകനായ യഹോവയും, നമ്മോടുകൂടെയുള്ള ദൈവവുമാണെന്നത് ഒരിക്കലും മറക്കരുത്. ക്രിസ്തു ദൈവമാണ്. ഈ ക്രിസ്തു, പ്രക്രിയാവിധേയനായ ശേഷം ഇപ്പോൾ ജീവൻ നൽകുന്ന ആത്മാവാണ്. അത്തരമൊരു ആത്മാവായി നാം അവനെ അവൻ്റെ നിറവിൽ ആസ്വദിക്കണം. നമ്മുടെ ഭക്ഷണം ആത്മാവാണ്. എന്തൊരു സമ്പന്നമായ ആത്മാവാണിത്! ദിവ്യത്വം, മനുഷ്യത്വം, സ്നേഹം, വെളിച്ചം, ജീവൻ, ശക്തി, നീതി, വിശുദ്ധി, കൃപ - നമുക്ക് ആവശ്യമുള്ളതെല്ലാം ഈ ആത്മാവിലുണ്ട്.