അധ്യായം

യാക്കോ. 3:2

🔸ശക്തനായി സൽഗുണപൂർത്തിയുള്ള പുരുഷൻ എന്നല്ല

എന്തെന്നാൽ നാം എല്ലാവരും അനേകം കാര്യങ്ങളിൽ ഇടറുന്നു. ഒരുവൻ വാക്കിൽ ഇടറുന്നില്ല എങ്കിൽ, അവൻ ശരീരത്തെ മുഴുവൻ കടിഞ്ഞാണിടുവാൻ കഴിവുള്ള, തികഞ്ഞ മനുഷ്യനാകുന്നു.

യാക്കോ. 3:5

🔸വളരെ എന്നല്ല

അങ്ങനെതന്നെ നാവും ഒരു ചെറിയ അവയവമെങ്കിലും വലിയ വമ്പുപറയുന്നു. ഇതാ, ഇത്ര ചെറിയ തീ എത്ര വലിയ കാട് കത്തിക്കുന്നു!

യാക്കോ. 3:7

🔸 ഈ വകയെല്ലാം മനുഷ്യജാതിയോട് എന്നല്ല

മൃഗങ്ങളുടെയും പക്ഷികളുടെയും, ഇഴജന്തുക്കളുടെയും ജലജന്തുക്കളുടെയുമായ എല്ലാ പ്രകൃതവും, മനുഷ്യ പ്രകൃതത്താൽ മെരുങ്ങിയും മെരുക്കപ്പെട്ടും ഇരിക്കുന്നു;

യാക്കോ. 3:14

🔸ശാഠ്യവും എന്നല്ല

എന്നാൽ നിങ്ങളുടെ ഹൃദയത്തിൽ കയ്പുള്ള അസൂയയും സ്വാർഥ അതിമോഹവും ഉണ്ടെങ്കിൽ, സത്യത്തിന് എതിരായി പ്രശംസിക്കുകയും കളവ് പറയുകയും അരുത്.

യാക്കോ. 3:16

🔸ശാഠ്യവും എന്നല്ല

എന്തെന്നാൽ എവിടെ അസൂയയും സ്വാർഥ അതിമോഹവും ഉണ്ടോ, അവിടെ ക്രമക്കേടും സകല ഹീനപ്രവൃത്തിയും ഉണ്ട്.

യാക്കോ. 3:17

🔸ശാന്തത എന്നല്ല

എന്നാൽ ഉയരത്തിൽനിന്നുള്ള ജ്ഞാനം ഒന്നാമത് നിർമലവും, പിന്നെ സമാധാനപരവും, സഹിഷ്ണുതയുള്ളതും, വഴങ്ങുന്നതും, കരുണയും സൽഫലവും നിറഞ്ഞതും, നിഷ്പക്ഷവും, കപടമില്ലാത്തതും ആകുന്നു.